Bizitegi irabazi-asmorik gabeko elkartea da, gizarte-bazterketako egoeran dauden pertsonen alde lan egiten duena, gizarte-laguntzaren, sentsibilizazioaren eta salaketaren bidez. Konfiantza handia dugu auzoek gizarte kohesionatuagoak eta parte-hartzaileagoak sortzeko gune gisa duten ahalmenean, eta Errekalde elkarte- eta komunitate-mugimendu handia duen auzoa da. Horregatik, proiektuak zentzu berezia hartzen du elkarteen eta auzokideen arteko harreman-esperientzia positiboak dituen auzo batean.